Бишкек, 30-июль (КАБАР) Бүткүл дүйнөлүк саламаттыкты сактоо уюму жана БУУнун балдар фонду ЮНИСЕФ 1-августтан 7-августка чейин, жаңы төрөлгөн балдарды эмчек сүтү менен багуу ошондой эле эне сүтүнүн баалуулугун түшүндүрүү тууралуу иш чара өткөзөт. Учурда мындай иш чара 120 өлкөдө турмушка  ашырылууда –деп билдирет БУУнун маалымат борбору.

Бүткүл дүйнөлүк саламаттыкты сактоо уюму “Жаңы төрөлгөн бала эки жашка чейин  эмчек сүтү менен багылууга тийиш.  Ал эми  эмизбей  коюудан же  эмчектен эрте чыгарып таштоо  ар кандай ооруларга тез чалдыгуусуна  адып келет,  чоңоюусу кечеңдейт”- дейт.

Ошондуктан бала 6 айга чейин жалаң эмчек сүтү менен гана азыктанышы керек. Кошумча тамак андан кийин улантылсышы зарыл. ЮНИСЕФ дал ушул талап аткарылганда күнүнө 3500 же болбосо жылына 1миллион  300 миң баланын өмүрү сактала тургандыгын  билдирди. (М.Мамырова)