Нарын 30-июль (КАБАР) "Мегаком" компаниясы Нарын шаарында борбордук бөлүмүн ачты.

     Компаниянын  ачылышы менен жергиликтүү калктан сегиз адам жумуш орду менен камсыз болду. Эң башкысы шаардын  бюджетине бир жарым миллиондон ашык  сом  салык төлөмдөрүн түшүрүшөт.

     Салтанатта компаниянын башкы деректири Андрей  Силич компаниянын ишмердүүлүгү туурасында айтып, шаардын сегиз мектебине спорттук жабдууларды бере тургандыгын билдирди. Мындан башка ушул жылы шаарда наркы 20 миң долларлык сүт азыктарын кайра иштетүүчү цехти ачууну көздөп жаткандыгы билдирилди.

      Ушул күнү кечинде шаардык стадиондо компаниянын күчү менен уюуштурулган эстрада жылдыздарынын чоң программадагы концерти бекер тартууланды. (Т.Дүйшөналиев)