Бишкек, 30-июль, (КАБАР) Эртең Кыргыз Республикасынын жаштар союзу (РЖС) “Биз биримдикте” аттуу тынчтык акциясын өткөрөт. Алардын негизги максаты элди тынчтыкка,  сабырдуулукка, биримдикке  чакыруу -деп кабарлайт Республикалык жаштар союзунун координатору Канатбек уулу Руслан.  

 Айтымында бул акция  Эркиндик гүл бакчасындагы  Борбордук Азия Америка университетинин имаратынын алдында (АУЦА) өтөт. Буга ар кайсы улуттун жүзгө жакын жаш өкүлдөрү  катышат. Кыскача жазылган  ураандарды көтөрүп, акцияга чыккандарды  тынч, ынтымактуу жашоого үндөшөт.

Аталган акция Кыргыз Өкмөтүнүн, “Абдын-Ата” компаниясынын, “Интербилим” эл аралык борборунун колдоосу менен  өтөт. (М.Мамырова)