| 30/07/2010 12:05 |
ЮНЕСКОнун Генералдык Директору И. Бокова Р. Отунбаеваны КР Президентинин кызматына киришүүсү менен куттуктады
|
Кыргыз Республикасынын Президенти Роза Отунбаева ЮНЕСКОнун Генералдык Диретору Ирина Боковадан куттуктоо телеграммасын алды.
Телеграммада мындай деп айтылат: (расмий эмес котормо)
“Кыргыз Республикасынын жаңы Конституциясына ылайык эң алгачкы аял-Президент катары расмий кызматка киришүүңүз жөнүндө кабардар болуу менен Сизге ЮНЕСКОнун жана жеке өзүмдүн атымдан бул жогорку даражалуу кызмат ордунда өзгөчө ийгиликтерге жетишүүңүздү жана бардык жакшылыктарды каалайм.
Ушул мүмкүнчүлүктөн пайдаланып, Сиздин узак жылдар бою ЮНЕСКО менен, айрыкча анын Аткаруу кеңешинин мүчөсү катары жакындан кызматташып жана такай колдоо көрсөтүп келе жаткандыгыңыз үчүн чын жүрөктөн ыраазычылык билдирем.
Мындан ары да ЮНЕСКО ишинин негизги багыттарынын алкагында колдоо көрсөтүүгө жана сиздердин өлкө менен ЮНЕСКОнун ортосундагы алаканын артышына дилгир экендигиме ишендирип кетмекчимин”.
КР Президентинин басма сөз кызматы
|
.jpg)
